Իմ ամառային արձակուրդները սկսվեցին ճամփորդությամբ։ Ես ընտանիքիս հետ իմ ծնունդին գնացել եմ Եգիպտոս։ Ես հանգստանում էի Կարմիր ծովի ափին։ Եգիպտոսը շատ հետաքրքիր երկիր էր։ Այնտեղ շատ խորհրդավոր էր։ Ես ամեն օր լողում էի լողավազանում և ծովում։ Ծովի ջուրը շատ աղի էր, բայց այնտեղ կային շատ գեղեցիկ ձկներ։ Մենք մի օր նավով շրջել ենք ծովի վրայով, հագել եմ դիմակ և գլուխս մտցրել եմ ջրի մեջ ու այնտեղ շատ սիրուն ձկներ եմ տեսել, շատ հետաքրքիր էր և գեղեցիկ։ Հետո մենք գնացել ենք Եգիպտոսի մայրաքաղաք Կահիրե, որպեսզի տեսնենք հին աշխարհի յոթ հրաշալիքներից մեկը՝ Քեոփսի բուրգը։ Այնտեղ տեսա մի քանի բուրգ ևս, հետո տեսա Սֆինքսի արձանը այն շատ հետաքրքիր էր։ Կահիրեում ես գնացի նաև պատմական թանգարան։ Այնտեղ տեսա մումիաներ, հին քանդակներ, բայց ամենասիրունը Թութանհամոն փարավոնի ոսկե սենյակն էր։ Այնտեղ ամեն ինչ ոսկուց էր, այնտեղ կար 116կգ կշռող ոսկե սկաֆանդր, կար նաև փարավոնի ոսկե դիմակը , այն կշռում էր 16կգ։ Հետո մենք գնացինք անապատ այնտեղ տեսանք բեդվինների ընտանիք, նրանք շատ աղքատ էին։Հետո մենք գնացինք Լուքսոր քաղաքը, որտեղ առաջ ապրել են փարավոնները։ Շատ հետաքրքիր քաղաք էր, այնտեղ պահպանվել էին հնագույն ժամանակներից տաճարներ, դամբարաններ։ Այնտեղ մենք նաև մտանք մի քանի փարավոնի դամբարան։ Եղել եմ Նեղոս գետի ափին, նավակով շրջել եմ գետի վրայով։ Մեզ ասացին, որ առաջ կոկորդիլոսներ կային այնտեղ։ Մենք նաև եղանք մի կղզում, որը կոչվում էր Բանաների կղզի։ Այնտեղ տեսել եմ բանանի, մանգոի, նարնջի և լայմի ծառեր։ Անմոռանալի ճամփորդություն եմ ունեցել և հույս ունեմ, որ նորից կգնամ։
