Երկար ժամանակ հանելուկ էր մնացել այն բանը, թե ինչու են փոքրիկ ձկները մտնում գրենլանդական շնաձկների բերանները։ Վերջերս պարզեցին, որ այդ շնաձկների աչքերը լույս են տալիս։ Դրանով էլ նրանք խեղճ ձկնիկներին հրապուրում են։
Պատմի՛ր այն մասին, թե ինչու է փոքրիկ ձուկը մտնում շնաձկան բերանը։
Երկար ժամանակ հանելուկ էր մնացել այն բանը, թե ինչո՞ւ է փոքրիկ ձուկը մտնում գրենլանդական շնաձկների բերանները։
Վերջերս պարզեցին, որ այդ շնաձկների աչքերը լույս են տալիս։ Դրանով էլ նրանք խեղճ ձկնիկներին հրապուրում են:
Ստացված պատմությունը կարդա՛։ Ի՞նչ փոփոխություններ կատարվեցին, գրի՛ր, օրինակ՝ է-են, ձուկը-ձկները։
Արձակուրդների ընթացքում տրվող առաջադրանքները ուղղված են և՛ ճամփորդող, և՛ իրենց հանգիստը տանը՝ ընտանեկան միջավայրում անցկացնող սովորողներին:
Ճամփորդական առաջադրանքներ
Հարցազրույց վարիր քո նոր ընկերների հետ : Պարզի՛ր թե ի՞նչ գիտեն իրենց բնակավայրի, դպրոցի կամ սովորությունների մասին:
Բառարան կազմի՛ր և գրի՛ր այն բառերն ու արտահայտությունները, որոնք մինչև հիմա անծանոթ էին քեզ: Ինքնուրույն կամ ծնողներիդ օգնությամբ դիտարկի՛ր, վելուծի՛ր, ստուգաբանի՛ր դրանք:
Հաղորդում պատրաստիր տեղի բնակիչների կամ տեղանքի մասին: Նշի՛ր այն տարբերությունները, որոնք ակնհայտ են:
Ճամփորդական օրագիր կազմի՛ր և նկարաշարերի կամ հետաքրքիր, կարճ պատումների միջոցով ներկայացրո՛ւ քո անցկացրած օրը:
Ընտանեկան, ստեղծագործական առաջադրանքներ
Դիտարկի՛ր աշնանային բնությունը:
Աշնանը բնությունը շատ գեղեցիկ է և գունավոր։ Ծառերը հագնում են գույնզգույն տերևներ։ Եղանակը մի փոքր սառն է և անձրևոտ, բայց նաև արև է շողում։ Այս տարի աշունը շատ գեղեցիկ է և արևոտ։ Աշնանային տաք արևը ջերմացնում է մեզ։ Ես շատ եմ սիրում աշունը։
Ընտանիքիդ անդամների հետ զբոսնի՛ր աշնանային զբոսայգում և ֆոտոնկարի՛ր աշնանային բնությունը: Ընտրի՛ր ամենագունեղ կամ ամենահետաքրքիր նկարները և վերնագրի՛ր դրանք: Չմոռանա՛ս աշխատանքդ հրապարակել քո բլոգում:
https://www.youtube.com/watch?v=8PyKsFNQNbk
Ընտրի՛ր այս աշնանային մեղեդիներից առավել հոգեհարազատը, լուռ ունկնդրի՛ր այն և փորձի՛ր գրի առնել զգացողություններդ: Կարդա՛ այն ընտանիքիդ անդամների համար: Նույն հանձնարարությունը կարող ես առաջարկել ընտանիքիդ անդամներին:
Այս մեղեդին լսելիս ես հանգստանում եմ և պատկերացնում եմ ինչ գեղեցիկ են պարելով թափվում աշնան տերևները։
Ծնողներիդ օգնությամբ, ընտանեկան գրադարանից կամ համացանցից աշնանային բանաստեղծություններ ընտրի՛ր: Ամենքդ կարդացեք ձեզ ամենից դուր եկած բանաստեղծությունը և ձայնագրիչի կամ տեսախցիկի օգնությամբ ձայնագրեք ձեր ընտանեկան ընթերցումները։
Մեծ, նկարչական թուղթ, ջրաներկ, ջուր ու վիձիններ վերցրո՛ւ և ընտանիքիդ բոլոր անդամների հետ նկարի՛ր այս գեղեցիկ աշնանային մեղեդու հնչյունների տակ: Ստացված նկարը փակցրե՛ք պատին և յուրաքանչյուրդ փորձեք կռահել, թե ի՞նչ տրամադրություն եք պատկերել: Կարող եք նկարի շուրջ փոքրիկ աշնանային պատմություն հորինել:
Գեղեցիկ ոսկե աշուն։
Անհատական նախագծեր
Հետազոտական նախագծեր
Ուսումնական բլոգումդ ներկայացրո՛ւ քո անհատական նախագիծը և էլ․ փոստի միջոցով ընկերներիդ առաջարկի՛ր միանալ քո նախագծին։ Ընթացքում հրապարակի՛ր արդյունքները, դիտարկումներ և կարծիքներ գրիր քո նախագծի մասնակից սովորողներին։
Ընթերցողական նախագծեր
Համառո՛տ ներկայացրու քո ընտրած ստեղծագործության սյուժեն։ Պատմի՛ր, թե ինչ նոր բան սովորեցիր ընթերցելիս, ստեղծագործության հերոսները ինչո՞վ են քեզ նման կամ տարբեր։
Իմ ընտրած ստեղծագորխությունից ես հասկացա, որ աշնանը թռչուները թռչում են տաք երկրներ։ Ծառերի տերևները հագնում են տարբեր գույներ։ Տերևները քամուց թափվում են։
Տեսահոլավակի միջոցով գովազդի՛ր քո նախընտրած ստեղծագործությունն այնպես, որ ընկերներդ էլ ցանկանան կարդալ։
Ստեղծագործական նախագծեր
Օրագրապատումների շարք
Ուսումնական բլոգումդ պատմի՛ր քո աշնանային արձակուրդի մասին։ Ներկայացրո՛ւ ամենօրյա մտքերդ, տպավորություններդ։ Կարող ես նաև նկարաշար կցել։
Ես այս շաբաթ գնացել եմ շատ գեղեցիկ և հետաքրքիր տեղեր նշելու հայրիկիս ծնունդը։ Երբ մենք հասանք Ենոքավան առաջին հերթին մտանք լողավազան։ Լողավազանը շատ մեծ էր և այնտեղ շատ տաք էր։ Հետո մենք գնացինք հաց ուտելու։ Մեր համարում կար պատշգամբ և այնտեղ շատ գեղեցիկ աշնանային տեսարան էր։ Այնտեղ կային նաև փոքրիկ կատու և նրա մայրիկը: Մենք որոշ ժամանակ մնացինք այնտեղ իսկ հետո գնացինք զբոսնելու մինչև չմթնեց։ Մենք նշեցինք հայրիկիս ծնունդը և գնացինք քնելու։ Առավոտյան մենք արթնացանք և ես տաք շոկոլադ խմեցի մեր պատշգամբում նայելով գեղեցիկ տեսարանին իսկ ծնողներս սուրճ էին խմում։ Հետո մենք միասին գնացինք նախաճաշելու։ Բոլոր ուտելիքները շատ համեղ էին։ Ես կերակրեցի կատուներին ու մենք շարժվեցինք դեպի Դիլիջան։ Այնտեղ մենք զբոսնեցինք գեղեցիկ անտառում ու տեսանք մի քանի եղջերու։ Ես նրանց կերակրեցի ու նկարվեցի նրանց հետ։ Հետո մենք գնացինք Սևանա լճի մոտ գտնվող եկեղեցի։ Նա շատ բարձր տեղում էր գտնվում և այնքան էլ հեշտ չէր այնտեղ բարձրանալ։ Մենք այնտեղ մոմեր վառեցինք և գնացինք դեպի Ծաղկաձոր։ Այնտեղ ես ճոպանուղի նստեցի և կերա իմ սիրելի պիցցան։ Քանի որ արդեն ուշ էր մենք որոշեցինք վերադառնալ Երևան և գնալ կինոթատրոն։ Իմ սիրելի ֆիլմը դիտելուց հետո մենք վերադարձանք տուն։
Պատումների շարք
Առաջարկում եմ գրել ստեղծագործական շարադրություններ քո՛ իսկ նախընտրած վերնագրերով և հրապարակել ուսումնական բլոգում։
Աշնան եղևնին
Աշուն էր, բոլոր տերևները հագել էին գույնզգույն հագուստները։Անտառի խորքում կար մի կանաչ եղևնի։ Եվ միայն եղևնին, որ գույնը չէր փոխել։ Նա կանաչ գույներ և նայելով գույնզգույն ծառերին տխրում է։ Մտածում է որ իրեն աշունը չի սիրում դրա համար էլ իր վրձնով չի ներկում։ Նույնիսկ քամին նրա կողքով չէր անցնում։ Տեսնելով, որ եղևնին տխուր է ոլոր կենդանիները գալիս նրա մոտ և ասում նրան, որ նա անտառի գեղեցկուհին է և չպետք է տխրի, քանի որ բոլոր ծառերի տերևները շուտով կթափվեն, իսկ նա կանաչ կմնա նույնիսկ ձմռանը։ Եվ ամանորին նրան կզարդարեն գույնզգուն խաղալիքներով, և նա կերջանկացնի բոլորին։
Առաջարկում եմ նաև հետևյալ ուսումնական նյութերը։ Ծանոթացի՛ր հղումով
Ծանոթացի՛ր ամսագրի համարներին։ Ընտրի՛ր քեզ դուր եկած առաջադրանքները և կատարի՛ր։ Չմոռանա՛ս աշխատանքդ հրապարակել քո ուսումնական բլոգում։
